М А З М У Н У
№ п/п	Токтом №	Токтом датасы	Кыска мазмуну
1.	№30-1	25.12.2020	Саит көчөсүнүн жашоочуларынын арызын кароо тууралуу
2.	№30-2	25.12.2020	"2021-жылга Бел айыл аймагынын бюджетин бекитүү жөнүндө"
3.	№30-4	25.12.2020	Бел айылдык кеңешинин 2021-жылга иш-планын бекитүү жөнүндө
4.	№30-5	25.12.2020	Бел айыл аймагынын жер салыгынан жеңилдик алуучулары тууралуу
5.	№30-6	25.12.2020	Бел жайыт пайдалануучулар бирикмесинин 2020-жылдын 15- декабрындагы "2020-жылга жайыт пайдаланууда жүргүзгөн иштеринин аткарылышы жана 2021-жылга карата түзүлгөн божомол бюджети жөнүндөгү" №2- жалпы жыйынынын токтомун бекитүү жөнүндө
6.	№30-7	25.12.2020	Бел айыл өкмөтүндө Кыргыз Республикасынын "Бузуулардын бирдиктүү реестри" борборлоштурулган электрондук системасы жөнүндө Жобого ылайык түзүлгөн комиссиянын курамына өзгөртүү, толуктоолорду киргизүү жөнүндө
7.	№30-8	25.12.2020	Айыл өкмөтүндө 2021-жылы каржылануучу долбоорлорго акча каражатын бекитүү тууралуу
8.	№30-9	25.12.2020	Жергиликтүү өз алдынча башкаруу органдары тарабынан жергиликтүү демилгелерди тандоонун жана каржылоонун тартиби жөнүндө типтүү Жобону бекитүү тууралуу
9.	№30-10	25.12.2020	Бел айылынын тургундары Самидинов Боркошали жана Темиров Султандын арызын кароо жөнүндө

1
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-1	25.12.2020
			Саит көчөсүнүн жашоочуларынын арызын кароо тууралуу
Бел айыл аймагынын Бел айылынын Саит көчөсүнүн жашоочуларынын арызын карап. угуп жана талкуулап Бел айылдык кеңешинин (алтынчы чакырылышынын) 30-сессиясы
	ТОКТОМ КЫЛАТ:
1.Бел айыл аймагынын Бел айылынын Саит көчөсүнүн жашоочуларынын көчөнү асфальт басууга айыл өкмөтүнүн бюджетинен акча бөлдүрүп берүүнү кароо айылдык кеңештин бюджет боюнча туруктуу комиссиясына жана айыл өкмөтүнө сунушталсын. 2.Токтомдун аткарылышын көзөмөлдөө жагы Бел айыл өкмөтүнүн башчысы М.Дорбаевке жүктөлсүн.
Бел айылдык Кенешинин төрагасы			Т.М.Бекботоев
			Назад

2
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-2	25.12.2020
			"2021-жылга Бел айыл аймагынын бюджетин бекитүү жөнүндө"
"2021-жылга Бел айыл аймагынын бюджети" жөнүндө Баталган айыл аймагынын финансисти Муссаева Гулбарчын Жусуповнанын докладын, " Бюджет, финансы жана экономика" боюнча туруктуу комиссиясынын төрагасы А.Шамасировдун кошумча докладын угуп жана талкуулап, ошондой эле "2021-жылга Кыргыз Республикасынын республикалык бюджети жөнүндө" мыйзамын жетекчиликке алып депутаттардын Бел айылдык кеңеши
	ТОКТОМ КЫЛАТ:
1.2021-жылга айыл аймагынын бюджетинин киреше бөлүгү №1-тиркемеге ылайык 16513,0 миң сом өлчөмүндө, анын ичинен салык жана салык эмес кирешелер 10381,2 миң сом жана теңдештирүүчү грант 6131,8 миң сом өлчөмүндө бекитилсин. 2.Жергиликтүү бюджеттен каржылануучу чыгымдардын колөмү №2-тиркемеге ылайык 16513,0 миң сом өлчөмүндө бекитилсин, анын ичинен айыл аймагынын башкаруу аппаратына 6231,9 миң сом, китепканасына 166,1 миң сом, клубуна 441,2 миң сом, жарандык коргонууга 700,0 миң сом, социалдык коргоого 370,0 миң сом, Бел айылындагы мектептин чыгымдарына 1314,9 миң сом, Бел жайыт пайдалануучулар бирикмесине 298,4 миң сом, бала-бакчалар чыгымдарына 3505,0 миң сом, маданият боюнча иш чараларга 280,0 миң сом, экономикалык маселелерге 3205,5 миң сом. 3.Республикалык бюджеттен каржыланып келүүчү теңдештирүүчү грантты 6131,8 миң сом өлчөмүндө бекитилсин. Ошондой эле теңдештирүүчү грант айыл өкмөт кызматкерлеринин эмгек акыларын төлөөгө, электроэнергия жана мектеп, бала бакчалардын электроэнергия акысына жумшалсын. 4.Жергиликтүү бюджеттен каржыланган мекемелердин атайын каражаттарын казыналыктан тышкары пайдаланууга тыюу салынсын.Казыналыктан тышкары пайдаланылган каражаттар тиешелүү деңгээлдеги бюджеттерге алынышы бекитилсин. 5.Бел айыл аймагынын бюджеттеги каралган кирешелерди жана чыгашаларды толук аткарууга багытталган иш чараларды регулярдуу түрдө ишке ашыруу айыл өкмөтүнүн башчысы М.Дорбаевке милдеттендирилсин. 6. Бул токтомдун аткарылышын жана көзөмөлдөөсү айылдык кеңешинин "Бюджет, финансы жана экономика" боюнча туруктуу комиссиясынын торагасы А.Шамасировко тапшырылсын.
Бел айылдык Кенешинин төрагасы			Т.М.Бекботоев
ТИРКЕМЕ №1			Назад

3
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-4	25.12.2020
			Бел айылдык кеңешинин 2021-жылга иш-планын бекитүү жөнүндө
Бел айылдык кеңешинин 2021-жылга түзүлгөн иш-планын угуп жана талкуулап Бел айылдык кеңешинин (алтынчы чакырылышынын) 30-сессиясы
	ТОКТОМ КЫЛАТ:
1.Бел айылдык кеңешинин 2021-жылга түзүлгөн иш-планы бекитилсин (иш-план тиркелет). 2.Бекитилген иш-пландын так жана сапаттуу аткарылышын камсыз кылуу айылдык кеңешинин жооптуу катчысы Ырысбаев Акылбек Кеңешовичке жүктөлсүн. 3.Токтомдун аткарылышын көзөмөлдөө жагы айылдык кеңешинин мыйзамдуулукту сактоо боюнча туруктуу комиссиясына жүктөлсүн.
Бел айылдык Кенешинин төрагасы			Т.М.Бекботоев
ТИРКЕМЕ №2			Назад

4
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-5	25.12.2020
			Бел айыл аймагынын жер салыгынан жеңилдик алуучулары тууралуу
Жер салыгынан жеңилдик алуучу атуулдардын тизмелери менен таанышып жана талкуулап депутаттардын Бел айылдык кеңешинин (алтынчы чакырылышынын) 30-сессиясы
	ТОКТОМ КЫЛАТ:
1.Бел айыл өкмөтүнүн чарбалык китебине катталган кожолуктун саны 2295 кожолук анын ичинен: Пенсионерлер - 609 кожолук, жери 91,4 га суммасы 914,0 миң сом Көп балалуулар -145 кожолук, жери 17,2 га суммасы 172,0 миң сом Афган, эмгек майыптары 72 кожолук,жери 9.2га суммасы 92,0 миң сом жогорудагы кожолуктар жер салыгынан көп жылдан бери айылда жашабаган жана үй салбаган 628 кожолук өз ара жыйымдарынан бошотулсун. 2.Токтомдун аткарылышын көзөмөлдөө Бел айылдык кеңешинин экономика,бюджет,соода жана ишкердүүлүк боюнча туруктуу комиссиясына тапшырылсын.
Бел айылдык Кенешинин төрагасы			Т.М.Бекботоев
			Назад

5
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-6	25.12.2020
			Бел жайыт пайдалануучулар бирикмесинин 2020-жылдын 15- декабрындагы "2020-жылга жайыт пайдаланууда жүргүзгөн иштеринин аткарылышы жана 2021-жылга карата түзүлгөн божомол бюджети жөнүндөгү" №2- жалпы жыйынынын токтомун бекитүү жөнүндө
Бел жайыт пайдалануучулар бирикмесинин 2020-жылдын 15- декабрындагы "2020-жылга жайыт пайдаланууда жүргүзгөн иштеринин аткарылышы жана 2021-жылга карата түзүлгөн божомол бюджети жөнүндөгү" № 2-жалпы жыйынынын токтомун депутаттардын айылдык кенеши бекитип берүү максатында
	ТОКТОМ КЫЛАТ:
1. Бел жайыт пайдалануучулар бирикмесинин 2020-жылдын 15- декабрындагы "2020-жылга жайыт пайдаланууда жүргүзгөн иштеринин аткарылышы жана 2021-жылга карата түзүлгөн божомол бюджети жөнүндөгү" № 2- жалпы жыйынынын токтому бекитилсин (тиркеме №1). 2. Бел жайыт пайдалануучулар бирикмесинин 2021-жыл үчүн тузүлгөн божомол бюджети бекитилсин жана малдардын жайытка чыгаруу мөөнөтүн тиркемеге ылайык айдап чыгуусун көзөмөлгө алуу ЖПБнин төрагасы Д.Сулаймановко жүктөлсүн (тиркеме №2). 3.Бел жайыт пайдалануучулар арасында өрт коопсуздугун сактоо жана мал ыландарына каршы алдын-ала эмдөөдөн өткөн малдардын ветеринардык аныктамасына карап жайытка чыгарууну көзөмөлдөө жагы ЖПБнин төрагасы Д.Сулаймановко тапшырылсын. 4.Бел жайыт пайдалануучулар тарабынан пайдаланылганжайыт акыларын өз убагында өндурүү жана башка төлөмдөрдү өз мөөнөтүндө төлөнүшүн камсыздоо ЖПБнин төрагасы Д.Сулаймановко жүктөлсүн 5.Жайыт жерлерине бак-дарак эгип мурунтан тосуп алган жеке тараптардын жайыт акылары төмөнкүдөй болуп белгиленсин:жаңыдан олтургузулган бак-дарактардын 1га жер аянты үчүн 560 сом, 3 жылдан ашкан дарактардын 1 га жер аянты үчүн 3000 сом, жайыт жеринен чөп чабууга 1га жер аянты үчүн 1060 сом. Белгиленген өлчөмдөгү жайыт акыларын төлөөдөн баш тарткан жеке тараптарга түшүндүрүү иштерин жүргүзүүнү колго алуу жана ага да моюн сунбаган тараптардын жерлерин алып коюу, жайыттарды ачтыруу жагы ЖПБнин төрагасы Д.Сулаймановко жүктөлсүн. 6.Жайыт жерлеринин экосистемасын жана малдардын эпизоотологиялык абалын туруктуу сактоо максатында жайытка чыкчу жолдорго ветеринардык даарыгерлер менен биргеликте постторду уюштуруу маселеси ЖПБнин төрагасы Д.Сулаймановко тапшырылсын. 7. Ноокат токой чарбасынын жайыт жерлеринде бир сезонго жайытка чыгаруу 1 баш бодо малга 120 сом, музоолорго 60 сом, жылкыга 250сом, кулундарга 150 сом, эчкилерге 120 сомдон, койлорго 66 сомдон, козуларга 33 сом, Бел айыл аймагынан башка жактардан келген мал үчүн төлөм жүргүзүү көрсөтүлгөн тарифтен эки эсе төлөп берүү сунушу жактырылсын. 8. Бел жайыт пайдалануучулар бирикмесинин Бел айыл өкмөтүнүн жергиликтүү бюджетине өткөрүлгөн бюджетинин 1/3 бөлүгү жайыттардын инфраструктурасын ондоо үчүн иштетүүгө макулдук берилсин. 9.Кыргыз Республикасынын Өкмөтүнүн 2019-жылдын 5-февралындагы № 43-токтомуна негиз жайыт жерлерине пайдаланылбаган жер аянттардан кум, шагыл жана топурак казып алууга макулдук берилсин. 10. Токтомдун аткарылышын көзөмөлдөө жагы айыл, суу чарба жана жаратылышты коргоо боюнча туруктуу комиссиясына милдеттендирилсин.
Бел айылдык Кенешинин төрагасы			Т.М.Бекботоев
ТИРКЕМЕ №3			Назад

6
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-7	25.12.2020
			Бел айыл өкмөтүндө Кыргыз Республикасынын "Бузуулардын бирдиктүү реестри" борборлоштурулган электрондук системасы жөнүндө Жобого ылайык түзүлгөн комиссиянын курамына өзгөртүү, толуктоолорду киргизүү жөнүндө
Кыргыз Республикасынын "Бузуулардын бирдиктүү реестри" борборлоштурулган электрондук системасы жөнүндө Жобосуна ылайык түзүлгөн комиссиянын курамына өзгөртүү, толуктоо киргизүү максатында Бел айылдык кеңешинин (алтынчы чакырылышынын) 30-сессиясы
	ТОКТОМ КЫЛАТ:
1.Кыргыз Республикасынын "Бузуулардын бирдиктүү реестри" борборлоштурулган электрондук системасы жөнүндө Жобого ылайык айыл өкмөтүндө түзүлгөн комиссиянын курамына өзгөртүүлөр жана толуктоолор киргизилсин. 2.Кыргыз Республикасынын "Бузуулардын бирдиктүү реестри" борборлоштурулган электрондук системасы жөнүндө Жобого ылайык айыл өкмөтүндө өзгөртүүлөр жана толуктоолор менен курамы 9 адамдан турган комиссия түзүлсүн ( комиссиянын курамы тиркелет). 3.Токтомдун аткарылышын көзөмөлдөө жагы айылдык кеңешинин мыйзамдуулукту сактоо боюнча туруктуу комиссиясына жүктөлсүн.
Бел айылдык Кенешинин төрагасы			Т.М.Бекботоев
ТИРКЕМЕ №4			Назад

7
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-8	25.12.2020
			Айыл өкмөтүндө 2021-жылы каржылануучу долбоорлорго акча каражатын бекитүү тууралуу
2021-жылга айыл аймагында каржылануучу долбоорлорго акча каражатын бөлүү максатында Бел айылдык кеңешинин (алтынчы чакырылышынын) 30-сессиясы
	ТОКТОМ КЫЛАТ:
1.2021-жылы айыл аймагындагы төмөнкү долбоорлорго акча каражаты айыл өкмөтүнүн бюджетинен ажыратылсын: - "Кеңеш" орто мектеби жана "Күн балдары" балдар бакчасынын жылуулук системасын капиталдык ремонттон өткөрүү долбооруна 363 089 сом; -№ 19 үБДТнун имаратын капиталдык ремонттон өткөрүү долбооруна 650 000 сом; -"Жоогазын -Нуру" балдар бакчасын капиталдык ремонттон өткөрүү долбооруна 450 000 сом. 2.Токтомдун аткарылышын көзөмөлдөө жагы айылдык кеңештин бюджет, экономика жана инвестиция боюнча туруктуу комиссиясына жана айыл өкмөтүнүн башчысына милдеттендирилсин.
Бел айылдык Кенешинин төрагасы			Т.М.Бекботоев
			Назад

8
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-9	25.12.2020
			Жергиликтүү өз алдынча башкаруу органдары тарабынан жергиликтүү демилгелерди тандоонун жана каржылоонун тартиби жөнүндө типтүү Жобону бекитүү тууралуу
Жергиликтүү өз алдынча башкаруу органдары тарабынан жергиликтүү демилгелерди тандоонун жана каржылоонун тартиби жөнүндө типтүү Жобону угуп, талкуулап Бел айылдык кеңешинин (алтынчы чакырылышынын) 30-сессиясы
	ТОКТОМ КЫЛАТ:
1.Жергиликтүү өз алдынча башкаруу органдары тарабынан жергиликтүү демилгелерди тандоонун жана каржылоонун тартиби жөнүндө типтүү Жобосу бекитилсин. 2.Токтомдун аткарылышын көзөмөлдөө жагы айылдык кеңешинин мыйзамдуулукту сактоо боюнча туруктуу комиссиясына жүктөлсүн.
Бел айылдык Кенешинин төрагасы			Т.М.Бекботоев
ТИРКЕМЕ №5			Назад

9
Бел айылдык Кенешинин VI чакырылышынын кезексиз 30 сессиясы
Т О К Т О М
Бел айылы		№30-10	25.12.2020
			Бел айылынын тургундары Самидинов Боркошали жана Темиров Султандын арызын кароо жөнүндө
Бел айылынын тургундары Самидинов Боркошали жана Темиров Султандын жеңил конструкцияда ишкана курууга 0,03 га дан жер ажыратуу боюнча арыздарын карап, угуп жана талкуулап Бел айылдык кеңешинин (алтынчы чакырылышынын) 30-сессиясы
	ТОКТОМ КЫЛАТ:
1.Бел айылынын тургуну Самидинов Боркошалиге Бел айылынан авто машиналарды тейлөө үчүн жеңил конструкцияда курулуш салууга убактылуу пайдаланууга 0,03 га жер ажыратып берүү жагы айыл өкмөтүнө тапшырылсын. 2.Бел айылынын тургуну Темиров Султанга Бел айылынан жем тартуу үчүн жеңил конструкцияда курулуш салууга убактылуу пайдаланууга 0,03 га жер ажыратып берүү жагы айыл өкмөтүнө тапшырылсын. 3. Самидинов Боркошали жана Темиров Султанга ижарага берилүүчү жерлер боюнча келишим түзүү жана мыйзамдаштыруу жагы Бел айыл өкмөтүнө жүктөлсүн. 4.Токтомдун аткарылышын көзөмөлдөө жагы айылдык кенештин жер боюнча туруктуу комиссиясына жүктөлсүн.
Бел айылдык Кенешинин төрагасы			Т.М.Бекботоев
			Назад